Një i vdekur e 13 të lënduar nga aksidentet në pasditen e kësaj të premte
BKT
Lajme

Një i vdekur e 13 të lënduar nga aksidentet në pasditen e kësaj të premte

Disa aksidente kanë ndodhur gjithandej Kosovës nga mesdita e deri këtë mbrëmje.

Një i vdekur e 13 të lënduar është bilanci i fundit në aksidentet e ndodhura vetëm pasditen e kësaj të premte.

Në Milloshevë një person ka vdekur, aksident të cilin e shkaktoi gjendja jo e mirë shëndetësore e ngasësit tashmë të ndjerë i cili paraprakisht kishte pësuar sulm kardiak.

Një tjetër person pësoi lëndime pas aksidentit të tri veturave në rrugën Prishtinë-Gjilan.

Ndërsa katër të tjerë po ashtu mbetën me lëndime truprore  këtë mbrëmje, pas përplasjes së disa automjeteve në rrugën Magure – Lipjan.

Veç tyre edhe gjashtë persona të tjerë mbetën sonte të lënduar si pasojë e një aksidenti trafiku që ndodhi në rrugën nacionale Mitrovicë-Prishtinë.

Dhë së fundi deri tani u raportua për një tjetër aksident trafiku në magjistralen Ferizaj – Kaçanik, ku si pasojë mbetën të lënduar dy persona, njëri prej të cilëve u nxitua për trajtim të mëtejshëm në QKUK, njofton Klan Kosova.


MË SHUME NGA Lajme