​Opozita zgjeron hartën e bllokimit të rrugëve
BKT
Shqipëri

​Opozita zgjeron hartën e bllokimit të rrugëve

Zgjerohet harta e bllokimit të rrugëve nga opozita shqiptare për ditën e enjte.

Në orën 18.00, opozita i ka bërë thirrje qytetarëve t’i bashkohen përshkallëzimit të protestës për të kërkuar largimin e kryeministrit Edi Rama, si personi përgjegjës, sipas saj, për bashkëpunimin me krimin në blerjen e votës.

Ndryshe nga e enjtja e kaluar, bllokimi do të shtrihet në të 12 qarqet e vendit. Gjithashtu, protesta nuk do të zgjasë më 1 orë, por do të vazhdojë për 2 orë.

1. Qarku Kukës – Ura e Drinit në hyrje të Rrugës së Kombit.

2. Qarku Shkodër- Rruga Shkodër-Koplik

3. Qarku Lezhë – Mbikalimi Milot

4. Qarku Dibër- Ura në kryqëzimin Burrel – Rrëshen- Klos.

5. Qarku Durrës- Plepa, në hyrje të Autostradës

6. Qarku Tiranë- Sheshi Shqiponja

7. Qarku Elbasan – Mbikalimi Bradashesh

8. Qarku Korçë – Hyrja, rruga nacionale e Korçës.

9. Qarku Gjirokastër- kryqëzimi i Rrugës Përmet-Tepelene – Gjirokastër .

10. Qarku Fier- Rruga nacionale tek Ura Mbrostar.

11. Qarku Berat në Ura Vajgurore, aksi Berat – Ura Vajgurore.

12. Qarku Vlorë- Hyrja e superstradës Vlorë- Levan. /TCh/


MË SHUME NGA Shqipëri