23:22 / 07.05.2019
Chanel prezanton koleksionin e parë pa Karl Lagerfeld
Shefja e re kreative e Chanel, Virginie Viard, ka prezantuar koleksionin e saj të parë për markën luksoze franceze.
Ajo ndoqi hapat e të ndjerit Karl Lagerfeld duke prezantuar një koleksion të frymëzuar nga udhëtimet me tren.
Koleksioni pushtoi hollin e madh të Grand Palais në Paris, të preferuarin e Lagerfeld, nën moton “Gati për t’u ngjitur në bordin e Chanel Express”.
Viard iu bashkua Chanel në vitin 1987 dhe punoi shumë me Lagerfeld deri kur ai u nda nga jeta në moshën 85-vjeçare.
Shfaqja e parë e Channel pa Karl u mbajt vetëm 3 muaj pas ndarjes nga jeta të stilistit të famshëm.




























