Shqipëria pa Strakoshën në ndeshjet ndaj Islandës dhe Moldavisë
BKT
Sport

Shqipëria pa Strakoshën në ndeshjet ndaj Islandës dhe Moldavisë

Portieri i Lazios nuk do të mund të paraqitet në dy ndeshjet e radhës të kombëtares së Shqipërisë.

Thomas Strakosha mbetet jashtë kombëtares për ndeshjet e muajit qershor që luan Shqipëria në kualifikimet për Euro 2020.

24-vjeçari nuk u grumbullua nga Simone Inzaghi për ndeshjen e së hënës, Lazio – Bologna, pikërisht për shkak të këtij lëndimi që e mundon prej kohësh.

Tani është konfirmuar që Thomasi nuk do t’ia dalë të rikuperohet në kohë dhe do të mungojë për sfidat e muajit qershor ndaj Islandës dhe Moldavisë.

Kësisoj në vendin e tij pritet që trajneri Edy Reja ta vendosë Etrit Berishën, që në muajt e fundit ka humbur vendin e titullarit në ekipin e Atalantas.