18:54 / 23.05.2019
De Gea nuk rinovon, United ja mësynë Donnarumma-s
Manchester United është në kërkim të një portieri.
David De Gea nuk ka pranuar që të rinovojë kontratën, e cila i përfundon në fund të sezonit të ardhshëm.
"Djajtë e Kuq" do të detyrohen ta shesin spanjollin për të mos e humbur me parametra zero verën tjetër. Drejtuesit janë hedhur në merkato dhe kanë një preferencë. Ai është portieri i Milanit, Gigi Donnarumma.
Vështirë që kuqezinjtë të heqin dorë nga 20-vjeçari i talentuar, por mungesa e kualifikimit në Champions do të detyronte klubin e famshëm të shiste ndonjë nga yjet e ekipit, raporton albeu.
Sipas raportimeve të The Sun, United do të presin javën e fundit të Serie A dhe më pas do të vendosin për t’i bërë ofertën e parë Milanit për gardianin e portës.























