16:35 / 28.05.2019
Zgjedhjet në Shqipëri, KQZ ngre Bordin e monitorimit të medies në fushatë
Komisioni Qendror i Zgjedhjeve në Shqipëri vendosi në mbledhjen e sotme, ngritjen e bordit të monitorimit të medias për monitorimin e fushatës zgjedhore në radio dhe televizione publike dhe ato private, për zgjedhjet e 30 qershorit.
Anëtarët e Bordit të Monitorimit të Medias janë Artan Cena, Bledar Lumani, Dardan Malaj, Ylli Pata dhe Maklen Misha. Mbledhja e parë e Bordit do të zhvillohet në datën 29 maj në ambientet e selisë së Autoritetit të Mediave Audiovizive./ATSh























