10:17 / 30.05.2019
Gjilani e Besa luajnë sot për një biletë në Superligë
Sot në stadiumin “Fadil Vokrri” në kryeqytet do të luhet ndeshja e parë e barazhit për Superlig, e ku ballafaqohen Gjilani dhe Besa.
Derisa gjilanasit kërkojnë mbetjen në elitë, pejanët synojnë që pas një viti të kaluar në Ligën e Parë të rikthehen aty ku e kanë vendin, në mesin e 12 skuadrave më të mira.
Gjithsesi, presioni është mbi Gjilanin për shumë arsye. Skuadra e drejtuar nga Gentjan Mezani realisht është favorit në letër, pasi ka më shumë cilësi në organikën e saj, mirëpo në ndeshje të tilla si kjo nuk është e lehtë menaxhimi i lojës.
Ndeshja nis në orën 16:00 dhe pritet numër i konsiderueshëm i tifozëve.























