12:39 / 10.06.2019
Bullgaria-Kosova në RTK1HD
Radio Televizioni i Kosovës (RTK), në kuadër të transmetimeve dhe emisioneve të ndryshme për kualifikueset e EURO 2020 si dhe të Ligës së Kombeve, sonte vjen me ndeshjen e shumëpritur Bullgaria-Kosova.
Bullgaria dhe Kosova përballen sonte në Sofje, në kuadër të eliminatorëve për Evropianin e ardhshëm, raporton RTKlive.
“Dardanët” pas barazimit me Malin e Zi (1-1), sonte synojnë fitore në duel me bullgarët, edhe pse skuadrën tonë e pret një ndeshje e vështirë, sidomos pas lëndimeve të shumta të formacionit bazë përfshirë edhe yllin e skuadrës sonë, Arbër Zenelin.
Sfida mes Bullgarisë dhe Kosovës nis në orën 20:45, por RTK paraprakisht do të sjellë emisionin “Dardanët” që nis në orën 20:10, e që i dedikohet pikërisht ndeshjes Bullgari-Kosovë.























