15:09 / 18.06.2019
Haradinaj: Basriu ishte çdo herë i pari në frontin e luftës
Kryeministri i Kosovës, Ramush Haradinaj ka marrë pjesë në tubimin përkujtimor kushtuar dëshmorit Basri Canolli-Shpendi.
Haradinaj është shprehur se Basriu ishte çdo herë i pari në frontin e luftës.
Postimi i Haradinajt në Facebook:
Sot, në tubimin përkujtimor për shokun tonë të luftës, Basri Canolli - Shpendi, pjesë e “Brigadës 153”, për të mbajtur të gjallë kujtimin dhe nderimin për flijimet për liri jo vetëm për Basriun, që ishte një luftëtar që përmendet ndër shokët e luftës, por edhe për të gjithë ata që ranë për atdhe! Basriu, ishte prej atyre trimave të pashoq dhe guximtar, çdoherë i pari në rreshtin e parë të frontit, djalë i një familje atdhetare të respektuar shqiptare, të përcaktuar qysh herët në rrugën për liri!























