Kryeprokurori Gashi dhe kryetari i Supremes diskutojnë ashpërsimin e politikës ndëshkimore
BKT
Lajme

Kryeprokurori Gashi dhe kryetari i Supremes diskutojnë ashpërsimin e politikës ndëshkimore

N.M. /RTKlive

Kryeprokurori i Shtetit, Zejnulla Gashi, dhe Kryetari i Gjykatës Supreme të Kosovës, Fejzullah Rexhepi, kanë diskutuar për nevojën e ashpërsimit të politikës ndëshkimore për veprat penale kundër rendit kushtetues dhe sigurisë së Republikës së Kosovës, si dhe për rastet e korrupsionit të nivelit të lartë.

Në takim kanë marrë pjesë edhe zëvendëskryeprokurori i Shtetit, Bahri Hyseni, dhe gjyqtari i Gjykatës Supreme, Agim Maliqi.

Sipas njoftimit, diskutimet janë përqendruar në forcimin e bashkëpunimit ndërmjet institucioneve të drejtësisë, në përputhje me kompetencat e tyre ligjore.

Gashi dhe Rexhepi kanë konfirmuar përkushtimin për avancimin e bashkëpunimit të ndërsjellë, me qëllim të forcimit të sundimit të ligjit në Kosovë.


MË SHUME NGA Lajme