15:25 / 24.06.2019
Man.United i rinovon automatikisht kontratën talentit Rashford
Manchester United po bën të pamundurën për të mbajtur Marcus Rashford larg merkatos teksa Real Madrid dhe Barcelona e kanë shënjestruar talentin anglez prej kohësh.
21-vjeçari ka vetëm një vit kontratë por klubi ka të drejtën e zgjatjes edhe për një sezon tjetër dhe ka vendosur ta aktivizojë. Një lëvizje e tillë nuk e zgjidh situatën pasi Rashford ka kërkuar një page faraonike prej 350 mijë paund në javë që të firmosë rinovimin por drejtuesit mendojnë se me 2 vite të tjera në kontratë do të kenë kohën e duhur në dispozicion për të negociuar dhe për të gjetur një akord përfundimtar për sulmuesin.























