21:50 / 09.07.2019
Feronikeli bën mrekullinë në Uells, e kthen lojën e humbur
Përmbyllje dramatike e ndeshjes së parë kualifikuese në Uells mes TNS dhe Feronikelit. Klubi nga Drenasi ka bërë një rikthim të madh.
Feronikeli ka përmbysur rezultatin nga 2-0 në 2-2.
Mevlan Zeka ka qenë ai që ka ngushtuar epërsinë në minutën e 89, ndërkaq Astrit Fazliu në minutat shtesë e ka barazuar rezultatin nga pika e bardhë.
Uellsianët kanë kaluar në epërsi në minutën e 49 përmes Greg Draper, kurse epërsinë e ka rritur Aeron Edwards në minutën e 77-të.
Ndeshja e ardhshme luhet javën që vjen në Prishtinë.























