09:11 / 15.07.2019
Hoti me ftesë të Kongresit, sot udhëton për në ShBA
RTKlive
Shefi i Grupit Parlamentar të Lidhjes Demokratike të Kosovës, Avdullah Hoti, ka shkruar në Facebook se me ftesë të Kongresit, sot udhëton për në ShBA.
"Jam i ftuar si anëtar i Kuvendit të Kosovës, pasi e udhëheq grupin kryesor opozitar, për të marrë pjesë në Forumin e Lidershipit Parlamentar që organizohet nga Kongresi. Forumi mbledh liderët e grupeve kryesore parlamentare të 16 vendeve, të cilët lider janë përgjegjës për funksionimin e legjislativit, marrëdhëniet ndërpartiake brenda legjislativit, ndërlidhjen e legjislativit me ekzekutivin dhe relacionet e legjislativit me komunitetin ndërkombëtar", ka shkruar Hoti.
























