15:08 / 15.07.2019
Kloop po mundohet ta mbajë në ekip Lovrenin
Trajneri i Liverpoolit, Jurgen Kloop po mundohet ta mbajë në ekip kroatin, Dejan Lovren.
Kroati ka shumë mundësi të largohet nga “Anfield”, pasi dëshiron që të luajë më shumë.
Lovren sezonin e kaluar ka qenë nën hijen e Joe Gomezit dhe Joel Matipit dhe nuk ka mundur të luajë shumë edhe pse në disa ndeshje Kloop e ka caktuar atë në ekipin e parë.
Mediet britanike shkruajnë se Kloop dëshiron që ta mbajë lojtarin në ekip pasi aftësitë e tij prej lideri mund t’i bëjë lojtarët të japin më të mirën.
30-vjeçari do të largohet nga “Anfield”, nëse nuk e gjen rolin e tij në skuadër.























