20:56 / 17.07.2019
Ekspertja e shëndetësisë largohet nga Vetëvendosje
Ekspertja e shëndetësisë, Hatixhe Latifi-Pupovci, nuk është më pjesë e lëvizjes Vetëvendosje.
Për largimin e saj ka njoftuar vetë ajo përmes një postimi në Faecebook.
Postimi i plotë i Latifi-Pupovci:
Të nderuar miq, Meqë shumë herë për këto vite ju kam shqetësuar duke kërkuar votë për Lëvizjen Vetëvendosjen, ju njoftoj se që nga sot unë nuk jam më anëtare e kësaj lëvizje. Falenderoj të gjithë bashkëpunëtorët e mi në Komitetin për arsim, në Komitetin për shëndetësi, anëtarët e Këshillit të Prishtinës dhe të gjithë aktivistët e Lëvizjes Vetëvendosje për bashkëpunimin dhe momentet e mira që më kanë dhuruar. Shpresoj që prurjet e reja brenda Lëvizjes të jenë të qëlluarat.























