Detaje të reja mbi vdekjen tragjike të Brian Jones 50 vjet më parë
BKT
Magazina

Detaje të reja mbi vdekjen tragjike të Brian Jones 50 vjet më parë

Prova të reja kanë dalë në pah mbi vrasjen e supozuar të kitaristit të The Rolling Stones, Brian Jones, shkruan NME.

Jones kishte vdekur 50 vjet më parë, dhe ishte gjetur pa shenja jete në pishinën e shtëpisë së tij në Cotchford Farm të Sussex-it.

Menaxheri i Jones, Tom Keylock, ka pohuar se kitaristi e kishte “humbur mendjen” natën e vdekjes së tij më 3 korrik të vitit 1969.

Keylock ishte intervistuar nga gazetari hetues, Terry Rawlings, libri i të cilit, “Kush e vrau Christopher Robin-in?”, ka shërbyer si bazë për dokumentarin e Netflix.

Raëlings e kishte intervistuar Keylock-un më 2009, por kjo intervistë kishte mbetur e paparë deri tani.

“Çfarë njerëzit nuk e dinë ishte që qenë gatuar ëmbëlsira të forta kanabisi.  Prandaj të gjithë ishin të droguar dhe nuk e dinin se çfarë dite ishte”, i thotë Keylock Rawlings-it në intervistë.

“Mendoj që policia donte ta ngriste një akuzë për vrasje, por u ishte thënë që ta harronin këtë gjë. I vetmi që ka mundur të akuzohej ishte Frank Thorogood, sepse ai ishte i vetmi në pishinë. Por policia thanë, ‘thjesht, harrojeni’. Urdhrat erdhën nga më së larti për të mos e ndjekur këtë gjë, dhe pas kësaj nuk ishte ndjekur më kurrë”.

Supozohej që Thorogood e kishte vrarë Jones-in shkaku i disa mospajtimeve për para. Jones e kishte paguar Thorgood-in 18 mijë funte për punën e tij në Cotchford Farm, por pohohet se ky i fundit i kishte dashur edhe gjashtë mijë të tjera nga kitaristi.

Rasti i Jones ishte rihapur nga policia e Sussex-it më 2009, pas provave të mëtejme nga gazetari hetues, Scott Jones, por raporti i vitit 2009 kishte sjellë si përfundim që rasti i tij nuk do të rihapej.

“Nuk ka prova të reja që sugjerojnë që verdikti origjinal i mjekut ligjior “vdekje aksidentale “ është i pasaktë”, ka thënë policia e Sussex-it.


MË SHUME NGA Magazina