09:59 / 05.08.2019
Dua Lipa, krenaria e Britanisë dhe Kosovës
Ambasada e Britanisë së Madhe në vendin tonë ka organizuar një pritje për këngëtaren Dua Lipa, e cila këto ditë po qëndron në Prishtinë për shkak të Sunny Hill Festival.
Në këtë pritje ishte i pranishëm edhe ambasadori i Britanisë, Ruairi O’Connell, i cili ka shprehur kënaqësinë e takimit me Duan.
Po ashtu, këngëtarja është takuar edhe me artistë e krijues të tjerë të cilët sjellin ndryshime përmes artit e kulturës.
“Ju kurrë nuk harroni se nga jeni. Krenaria e Britanisë dhe e Kosovës Dua Lipa, kaloi një pasdite në rezidencën e ambasadës britanike, ku u takua me artistë dhe krijues, vullnetarë dhe aktivistë duke sjellë ndryshime në Kosovë përmes muzikës, artit, kulturës, inovacionit dhe sportit”, thuhet në njoftimine Ambasadës britanike.























