09:58 / 21.08.2019
Haradinaj kujton Rexhepin: Luajti rol konstruktiv në procese të vështira
Kryeministri në largim, Ramush Haradinaj, ka kujtuar Bajram Rexhepin në dyvjetorin e ndarjes nga jeta.
Haradinaj shkroi se ish-kryeministri Rexhepi do të mbetet gjithmonë në kujtesën shtetërore si personalitet që e shquanin virtytet e fisnikërisë, përkushtimit dhe profesionalizmit.
“Ai iu përgjigj thirrjes së dyfishtë, profesionale dhe patriotike të luftës çlirimtare. Në një kohë përplot sfida, të rimëkëmbjes së vendit, mori detyrën e Kryeministrit të Kosovës, duke luajtur rol konstruktiv në shumë procese të vështira politike. Përulem me respekt para kujtimit dhe veprës së ish-kryeministrit Bajram Rexhepi”, shkroi Haradinaj.























