Limaj: Oferta e Nismës është më e mira për qytetarët
BKT
Lajme

Limaj: Oferta e Nismës është më e mira për qytetarët

Kandidati për Kryeministër, Fatmir Limaj, ka thënë se edhe Ferizaj ka vendosur të bëhet bashkë për shtetin.

Përmes një statusi në Facebook, Limaj tha se tubimi i mbrëmshëm me struktura dhe përkrahës të Nismës forcoi bindjen se Nisma dhe koalicioni i tyre do të korrin rezultate të mëdha në zgjedhjet e 6 tetorit

“Edhe qyteti i kulturës dhe i lëvizjeve të mëdha kombëtare, Ferizaj, ka vendosur të bëhet Bashkë për Shtetin.

Tubimi i mbrëmshëm me struktura dhe përkrahës të Nismës ma forcoi bindjen se Nisma dhe koalicioni ynë do të korrin rezultate të mëdha në zgjedhjet e 6 tetorit.

Kosova para vetes i ka pesë oferta për qeverisje dhe jam i bindur që oferta e Nismës dhe koalicionit tonë është më e mira dhe më e duhura për qytetarët tanë.

Nisma dhe unë e duam votën e zemrës dhe besimit, ne nuk e duam votën e pazareve dhe mashtrimit.
Prandaj qytetarët e Ferizajt e kanë rastin ideal t’i mbështesin kandidatët për deputetë të Nismës nga kjo komunë të cilët janë garanca më e mirë se do t’i mbrojnë denjësisht interesat e tyre.

Ftesa ime për të gjithë është që të kthehemi në aktivistë dhe t’i shpalosim në çdo cep të vendit vlerat dhe programin tonë socialdemokrat”, ka shkruar Limaj.


MË SHUME NGA Lajme