18:05 / 21.09.2019
Emergjencat në terren për ndihma që nevojiten
Tirana u godit sot nga dy tërmete të cilat sipas raportimeve të para kanë shkaktuar fatmirësisht vetëm dëme materiale.
Lidhur me këtë ka reaguar edhe Bashkia e Tiranës, e cila bën të ditur se forcat e Emergjencës janë në gatishmëri për të ndihmuar këdo që ka nevojë.
Ajo u bën thirrje qytetarëve që të kontaktojnë pa hezitim emergjencat në numrat e telefonit: Policia e shtetit ☎ 129, Policia Bashkiake ☎ 042419465, Zjarrfikësja ☎128 dhe Urgjenca ☎ 127.
Ndryshe, sot pas orës 16.00 Shqipëria është goditur nga dy tërmete, të cilat janë hetuare edhe në Kosovë, Itali, Mal të Zi, Kroaci dhe vende tjera. /tch/























