19:10 / 23.09.2019
Thaçi në New York takon presidenten e Kroacisë
Presidenti i Kosovës Hashim Thaçi, ka takuar në New York presidenten kroate Kolinda Grabar-Kitaroviç.
Thaçi dhe Grabar-Kitaroviç kanë biseduar për mundësinë e rritjes së shkëmbimit më të madh diplomatik dhe ekonomik ndërmjet dy shteteve.
I pari i shtetit të Kosovës ka thënë se Kroacia është një shembull i mirë i suksesit që Kosova duhet ta ndjekë.
“Kroacia është një shembull i mirë i suksesit për rrugën që duhet të ndjekë Kosova drejt anëtarësimit në NATO dhe Bashkim Evropian “, ka shkruar Thaçi në Facebok.























