14:04 / 27.09.2019
Londra solidarizohet me familjet e prekura nga tërmeti në Tiranë
Kryetari i Bashkisë së Londrës është solidarizuar me popullin shqiptar, të prekur nga tërmetet e fundit.
Në një status në twitter, Sadiq Khan tha se foli me kryebashkiakun Erion Veliaj për të ofruar mbështetje dhe solidaritet per personat e prekur.
"Shumë nga njerëzit me origjinë shqiptare në Londër kanë familje dhe miq të prekur nga tërmeti i fundit në rajonin e Tiranës. Kënaqësi që fola me Erion Veliaj, Kryebashkiak i Tiranës, për të ofruar mbështetje dhe solidaritet për të gjithë ata të dëmtuar ose të prekur", shkruan Khan.























