Mustafa thotë se do të takohet me Kurtin për të diskutuar bashkëqeverisjen
BKT
Lajme

Mustafa thotë se do të takohet me Kurtin për të diskutuar bashkëqeverisjen

Kryetari i LDK-së, Isa Mustafa, ka paralajmëruar se do të takohet me liderin e Vetëvendosjes, Albin Kurtin, për të diskutaur mundësinë e bashkëqeverisjes.

Ai përmes një statusi në Facebook, ka thënë se qytetarët ndëshkuan ata që qeverisën keq.

Postimi i plotë i Mustafës:

Qytetarë të nderuar
Në zgjedhjet e 6 tetorit LDK mori përkrahje të gjerë nga qytetarët tanë. Qytetarët ndëshkuan ata që qeverisën keq.
Në një garë tepër të ngushtë, 50:50, fituesi, LDK apo VV, do të dihet përfundimisht pasi të përfundon numërimi i plotë i të gjitha votave.
Këto ditë, së bashku me kandidaten tonë për kryeministre, znj. Vjosa Osmani, do të takohemi me Kryetarin e Lëvizjes Vetëvendosje, z. Kurti për të vlerësuar procesin zgjedhor dhe mundësitë e bashkëqeverisjes. Do të vazhdojmë aty ku e kemi lënë para fillimit të procesit zgjedhor, duke respektuar vullnetin e qytetarëve të shprehur me votë të lirë në një proces demokratik zgjedhor por edhe interesin e LDK-së. IM


MË SHUME NGA Lajme