Qeveria të shkojë në dialog të drejtpërdrejtë me Serbinë pa humbur kohë
BKT
Lajme

Qeveria të shkojë në dialog të drejtpërdrejtë me Serbinë pa humbur kohë

Bardha Shkreli, Radio Kosova

Qeveria e ardhshme duhet të shkojë në dialog të drejtpërdrejtë me Serbinë pa humbur kohë, që dialogu fillimisht të zhvillohet me serbët e Kosovës. Kështu thonë analistët politikë, derisa për ta është mjaft e rëndësishme që dialogu të formatizohet.

Lëvizja Vetëvendosje  kritikohet nga analistët për mënyrën se si e planifikon realizimin e dialogut Kosovë-Serbi. Ata thonë se dialogu me serbët e Kosovës do të marrë kohë dhe do të kthente procesin prapa. Blerim Burjani , nuk e sheh të nevojshëm dialogun me serbët e Kosovës, dhe për këtë ai jep disa arsye.

“Ata i kanë të gjitha të drejtat civile-politike të garantuara për pakica, ata i  shfrytëzojnë ato të drejta, janë të punësuar asnjë problem nuk ka me ta. Kohën e fundit edhe Kosova shumë më pozitivisht është duke performuar në institucionet në veri, është shumë më kualitative e më pozitive. Herën e fundit, votuan me letërnjoftime të Kosovës, pra, ka një shpresë të integrimit të pakicës serbe në Kosovë. Tash t’i nuk mund t’i bësh edhe 100 vjet në dialog njëherë të brendshëm e pastaj me Serbinë. Ky është një far cirku që na çon ka bllokada e dialogut përfundimtar”, tha Burjani për Radio Kosovën.

Politologu Ramush Tahiri thotë se me njerëzit e rinj që do të ketë qeveria e ardhshme, do të formatizohet dialogu. 

“ Unë kam dëshirë ta shoh formatizimin e dialogut si një lloj isntitucionalizimi që në biseda të shkojë qeveria, të shkojnë ministritë përkatëse dhe ekipet e ekspertëve, por përgjegjësinë finale ta ketë Parlamenti që e voton me 2/3 e votave, ndërsa përgjegjësinë për nënshkrim ta ketë Qeveria dhe ministritë përkatëse, sepse janë përgjegjës në bazë të Kushtetutës dhe ligjeve”, tha Tahiri.

Tahiri po ashtu thotë, se është e rëndësishme që ekipi negociator të mos ofrojë në Parlament ndonjë zgjidhje, e cila bie ndesh me parimet kushtetuese, është e pazbatueshme në terren, apo ndonjë zgjidhje që ndërhyn në sistemin e brendshëm të Republikës së Kosovës.


MË SHUME NGA Lajme