22:50 / 18.10.2019
Petroviq: Votat na janë vjedhur nga Lista Serbe, të bëhet rinumërimi
Kryetari i SLS-së, Sllobodan Petroviq, ka thënë se votat e tyre janë vjedhur nga Lista Serbe në këto zgjedhje.
Petroviq ka kërkuar që të rinumërohen votat.
‘’Duam që këto kuti të hapen, ndoshta është gabim por e çuditshme që të ketë aq gabime pikërisht tek ne, prandaj jemi të detyruar që të apelojmë tek institucionet dhe të kryejnë punën e tyre’’, ka theksuar ai në "Debat Plus".
‘’Votat duhet të rinumërohen. Ka dëshmi se na janë vjedhur. Jemi të sigurt se në ato kuti ka më shumë vota se sa këto që i kemi.’’
Petroviq ka prezantuar edhe një formular që thotë se e ka siguruar përmes komisionerëve të partive tjera, ku të gjitha votat e subjekteve politike i regjistrohen Listës Serbe.























