22:44 / 22.10.2019
Rihanna është në krahët e miliarderit, por “flirton” hapur me Chris Brown
Këngëtarja Rihanna mund të martohet shumë shpejt me miliarderin Hassan Jameel, por historia me Chris Brown vijon të komentohet.
Në postimin e fundit në Instagram, ku promovon linjën e produkteve kozmetike, ka vendosur në sfond këngën e reperit.
Ky detaj nuk ka shpëtuar pa u vënë re nga ndjekësit, të cilët i thonë se po flirton hapur me Chris Brown.
Lidhja e tyre mori fund para shumë vitesh për shkak të dhunës fizike që ushtroi reperi tek Rihanna. Megjithatë, shpesh herë ai ka bërë komente provokuese në postimet e këngëtares, por nuk ka marrë asnjë reagim.
Rihanna ka plot dy vite që shijon lidhjen me Hassan dhe pritet që të martohen së shpejti.























