22:55 / 23.10.2019
Liverpool fiton lehtësisht në Belgjikë
Liverpool ka realizuar fitoren e dytë në këtë edicion në Ligën e Kampionëve.
Kampionët në fuqi kanë shënuar fitore të lehtë si mysafirë në duel me skuadrën belge, Genk me rezultat 4:1.
Liverpool kaloi në epërsi pas vetëm dy minutave lojë, me golin e shënuar nga Alex Oxlade-Chamberlain.
I njëjti futbollist e dyfishoi epërsinë në minutën e 57, derisa Sadio Mane, në minutën e 77-të shënoi për 0-3, ndërsa Mohamed Salah në minutën e 87-të e çoi epërsinë në 0-4. Golin e vetëm për vendasit e shënoi Stephen Odey, në fund të ndeshjes.
Me këtë fitore, Liverpool numëron 6 pikë dhe renditet në vendin e dytë në grup E.























