Haradinaj nderon heroin Zahir Pajaziti për nder të ditëlindjes së tij
BKT
Lajme

Haradinaj nderon heroin Zahir Pajaziti për nder të ditëlindjes së tij

Kryeministri në detyrë Ramush Haradinaj ka vënë kurora me lule tek shtatorja e heroit Zahir Pajaziti në Prishtinë me rastin e ditëlindjes së tij.

Haradinaj ka thënë se Zahiri dhe bashkëluftëtarët e tij janë shembuj të atdhedashurisë dhe vetmohimit në kërkim të lirisë dhe të drejtave të shqiptarëve.

“Sot, në ditëlindjen e 57- të Zahir Pajazitit, heroit tonë që zë vend meritor në historinë e lavdishme të vendit, për të nderuar me përulje figurën e tij.

Zahiri dhe bashkëluftëtarët e tjerë janë shembuj të atdhedashurisë dhe vetëmohimit, në kërkim të lirisë dhe të drejtës së shqiptarëve. Ideali i Zahirit do të jetë gjithmonë pikëmbështetje e vizionit tonë për Kosovën”, ka thënë Haradinaj.

Haradinaj tha se  respekti ndaj veprës së luftëtarit të çmuar shqiptar, komandantit Zahir Pajaziti mbetet i pavdekshëm.

Heroi i kombit Zahir Pajaziti ka lindur më 1 nëntor 1962 në fshatin Turuçicë të Podujevës.

Ai ishte njëri ndër themeluesit e parë të Ushtrisë Çlirinmtare të Kosovës. Zahir Pajaziti u vra më 31 janar 1997 në fshatin Pestovë të Vushtrrisë bashkë me Hakif Zejnullahun dhe Edmond Hoxhën.


MË SHUME NGA Lajme