20:51 / 01.11.2019
Numërohen votat nga diaspora, NISMA – AKR nuk e kalojnë pragun
Në Qendrën e Numërimit dhe Rezultateve, ka përfunduar procesi i numërimit të fletëvotimeve të ardhura nga diaspora.
Gjithsej janë numëruar rreth 4451 vota, ku partia fituese e zgjedhjeve, Lëvizja Vetëvendosje, ka dalur e para me gjithsej 2083 vota.
LDK ka mbledhur 1053 vota, PDK 555, ndërsa koalicioni AAK – PSD ka 281 prej tyre.
E koalicioni NISMA – AKR ka marrë goditjen e ku sipas hulumtuesit Armend Muja ka mbetur jashtë Kuvendit të Kosovës.
NISMA – AKR me votat e përgjithshme tani ka 4.99 për qind të votave që nuk ua mundëson ulëset brenda Kuvendit.
“Zgjedhjet 2019: Pas numërimit te votave te fundit te diasporës, Nisma përfundimisht jashtë Kuvendit”.























