Nisma pret rezultatet përfundimtare për t`iu drejtuar PZAP-it
Nisma Socildemokrate po pret shpalljen e rezultateve për të bërë ankesë te Paneli Zgjedhor për Ankesa dhe Parashtresa (PZAP).
Kështu ka thënë anëtari i Kryesisë së Nismës Socialdemokrate, Xhevdet Smakiqi.
“Në momentin që shpallet rezultati përfundimtar nga KQZ, ne konform ligjit për zgjedhjet neni 122 kemi të drejtë me i’u drejtu PZAP-së edhe presim që PZAP-i me na aprovu për shkak të provove të parrëzueshme që i ka NISMA, publiku dhe KQZ që pakot nga Serbia me zarfe kanë ardhë në kundërshtim me ligjin për zgjedhjet”, ka thënë Smakiqi.
Ai tha se Nisma ka kaluar pragun me votat e rregullta, kurse votat e paligjshme nga Serbia nuk i llogaritin, transmeton Express.
“Votat e rregullta dhe numërimet që kanë ndodhur konform ligjit për zgjedhjet Nisma ka dalur mbi pesë për qind dhe është pjesë e Kuvendit të Kosovës, ne nuk numërojmë e as nuk llogaritim vota të paligjshme”, ka thënë ai.























