Austria e fortë për Kosovën
RTKLive
Austria U21 është treguar skuadër shumë e fortë përballë Kosovës U21, duke fituar bindshëm prej 4-0, në ndeshjen e zhvilluar sonte në Ried të Austrisë, sfidë kjo e vlefshme për kualifikueset e Evropianit 2021, raporton RTKLive.com.
Kombëtarja jonë e cila në këtë duel hyri pa gjashtë lojtarë titullar për shkak të lëndimeve, nuk ia doli t’i bëj ballë skuadrës austriake, e cila gjatë terë lojës ishte ekipi dominues në terren, duke shënuar katër gola.
Marko Ragus (14’), hapi llogarinë në këtë ndeshje, duke kaluar skuadrën nikoqire në epërsi prej 1-0. Ndërkohë, Marco Fridel (20’, 69’), vjen me dygolësh derisa Sandi Lovric (74’), mbylli serinë e golave në këtë ndeshje duke realizuar golin e katërt për Austrinë nga pika e bardh.
Rastin më të mirë për Kombëtaren tonë, e kishte Mustafa në minutën e 86-të, kur kaloi edhe portierin austriak, e më pas nuk ia del të qojë topin në portën e zbrazët.
Pas kësaj fitore, Austria ka 12 pikë, aq sa ka edhe lideri i tabelës, Anglia, kurse, Kosova renditet e treta me gjashtë pikë të grumbulluara.























