10:30 / 26.11.2019
Soreca: BE pranë popullit shqiptar, ndihmë ndaj të dëmtuarve nga tërmeti
Ambasadori i Bashkimit Evropian në Shqipëri Luigi Soreca deklaroi sot se “Bashkimi Evropian mbetet në kontakt me autoritete për të dhënë ndihmë ndaj të dëmtuarve nga tërmeti”.
“Jemi shumë të pikëlluar nga humbja e jetëve dhe dëmet e shkaktuara nga tërmeti shkatërrimtar. Zemrat tona janë me popullin shqiptar dhe të gjitha familjet e prekura nga kjo tragjedi”, shprehet ai.
Po ashtu, Soreca thekson se Bashkimi Evropian qëndron pranë popullit shqiptar dhe mbetet në kontakt me autoritetet për të ofruar ndihmë”.























