Debutoi me kombëtaren në Prishtinë, Chelsea rinovon me Tomori
BKT
Sport

Debutoi me kombëtaren në Prishtinë, Chelsea rinovon me Tomori

Pasi siguroi kualifikimin në 16 skuadrat më të mirë në Champions League, Chelsea ka nisur fushatën e rinovimeve.

Klubi londinez ka zgjatur kontratën me Fikayo Tomori, mbrojtësin e ekipit. 21-vjeçari firmosi një kontratë deri në vitin 2024 me “Blutë e Londrës”.

Lojtari i lindur në Kanada është rritur te Chelsea, ndërsa sezonin e kaluar u huazua te Derby County, aty ku punoi me Frank Lampard. Të dy u rikthyen në verë te klubi i tyre i zemrës, ndërsa Tomori është aktivizuar në 15 ndeshje gjatë këtij sezoni.

Paraqitjet pozitive kanë bindur drejtuesit t’i ofrojnë kontratën e re, teksa lojtari, i cili debutoi me kombëtaren angleze në ndeshjen kundër Kosovës në Prishtinë, shfaqet i lumtur për rinovimin, transmeton abcnews.

“Ky është një moment i lumtur për mua dhe familjen time. Jam te Chelsea prej moshës 7-vjeçare, klubi është treguar shumë i mirë me mua dhe më ka ndihmuar të përmirësohem si futbollist dhe si njeri. Realizove ëndrrën time dhe shpresoj të justifikoj besimin që më është dhënë“, theksoi Tomori.