17:34 / 05.01.2020
Rrëzohet pema e Vitit të Ri në Tiranë
Pema e festave të fundvitit që ishte vendosur në qendër të Tiranës, është rrëzuar ditën e sotme për shkak të erërave të forta.
Mësohet se nga rrëzimi i pemës nuk ka të lënduar.
Kryetari i Tiranës, Erion Veliaj, ka kërkuar nga qytetarët që të kenë kujdes për shkak të erërave të forta.
“Kujdes, erë e fortë në Tiranë, ju lutem evitoni lëvizjet dhe qëndrimin në vende ku ka objekte apo pemë që rrezikojnë rënien”, ka shkruar Veliaj në llogarinë e vet në “Facebook”.























