Emërimet në Kushtetuese/ Meta i drejtohet Komisionit të Venecias
BKT
Shqipëri

Emërimet në Kushtetuese/ Meta i drejtohet Komisionit të Venecias

“Presidenti Ilir Meta i është drejtuar zyrtarisht sot Komisionit të Venecias lidhur me shkeljet kushtetuese dhe ligjore që ka bërë Kuvendi me zgjedhjet e dy anëtarëve të Gjykatës Kushtetuese”, informoi sot zëdhënësi i Presidentit, Tedi Blushi.

Blushi tha se “Venecia është gjithmonë e mirëpritur”.

Ai informoi se “nesër do të publikohen në faqen zyrtare të Kreut të Shtetit, kërkesa e Presidentit Meta për Komisionin e Venecias dhe pyetjet konkrete drejtuar atij”.

Komisioni i Venecias do të diskutojë në mars në lidhje me 5 pyetjet që Kuvendi i Shqipërisë i drejtoi lidhur me emërimin e anëtarëve të Gjykatës Kushtetuese.

Gjithashtu, një delegacion nga Komisioni i Venecias do të vizitojë Tiranën në fillim të shkurtit pas kërkesës së Kryetarit të Kuvendit, Gramoz Ruçi më 30 dhjetor për një opinion mbi emërimet e gjyqtarëve në Gjykatën Kushtetuese.


MË SHUME NGA Shqipëri