10:57 / 23.01.2020
Grenell nis takimin me Kurtin
I dërguari i posaçëm për dialogun Prishtinë-Beograd i presidentit Donald Trump, ambasadori Richard Grenell po zhvillon një takim me kryetarin e Lëvizjes Vetëvendosje, Albin Kurti.
Atë po e shoqëron edhe ambasadori amerikan në vendin tonë, Philip S. Kosnett.
Grenell po qëndron në Kosovë ku mbrëmë ka pasur një takim edhe me presidentin e vendit, Hashim Thaçi, ndërsa pas takimit me Kurtin, ambasadori amerikan do të qëndrojë edhe në Lidhjen Demokratike të Kosovës ku do të pritet nga Isa Mustafa.
Krijimi i qeverisë pritet të jetë njëra nga temat që do të diskutohet, ashtu sikurse edhe dialogu dhe çështja e taksës për produktet serbe dhe boshnjaku.























