Rita Ora dhe Dua Lipa shprehin ngushëllime për vdekjen Kobe Bryant
BKT
Magazina

Rita Ora dhe Dua Lipa shprehin ngushëllime për vdekjen Kobe Bryant

Këngëtaret shqiptare me famë botërore, Rita Ora dhe Dua Lipa, nuk kanë mundur të mos preken nga lajmi për vdekjen e legjendës së basketbollit, Kobe Bryant.

Ish-ylli i LA Lakers e humbi jetën në një aksident me helikopter së bashku me vajzën e tij 13 vjeçare dhe shtatë njerëz të tjerë.

Rita e ka shpërndarë fillimisht një fotografi të Bryant në profilin e saj në InstaStory, ndërsa më pas e ka publikuar një fotografi të legjendës me vajzën e tij, Gianna, e cila ndodhej në helikopter në momentin e rrëzimit.

“Të copëton zemrën”, është mbishkrimi që këngëtarja 29-vjeçare ia ka vënë fotografisë dy viktimave nga aksidenti ajror.

Një fotografi të Bryant e ka shpërndarë edhe Dua në InstaStory duke iu bashkuar kështu yjeve të shumta që kanë shprehur ngushëllime për të vdekurit në aksident. 

 


MË SHUME NGA Magazina