Ky është polici që u vra sonte në Zhur (FOTO)
BKT
Lajme

Ky është polici që u vra sonte në Zhur (FOTO)

Një pjesëtar i Policisë së Kosovës ka vdekur dhe dy të tjerë janë plagosur nga shpërthimi I një mjeti eksplodues gjatë një operacioni bastisjeje në fshatin Zhur të Prizrenit.

KALLXO.com merr vesh se incidenti ka ndodhur kur pjesëtarët e Policisë së Kosovës, të Njësisë Anti-Drogë kishin shkuar në një shtëpi për bastisje dhe teksa ata ndodheshin në katin e dytë të shtëpisë ka shpërthyer një mjet shpërthyes.

Në këtë incident ka mbetur i vrarë një pjesëtar i Policisë së Kosovës e dy të tjerë kanë pësuar plagë trupore. Po ashtu, lëndime trupore ka pësuar edhe një fëmijë.

Burime të KALLXO.com thonë se polici i vrarë është Sami Thaqi.

Ky zyrtar policor ka qenë pjesë e Njësisë Speciale të Policisë së Kosovës.


MË SHUME NGA Lajme