Ponte Prizreni synon së paku gjysmëfinalen
BKT
Sport

Ponte Prizreni synon së paku gjysmëfinalen

Ndeshjet çerekfinale në “Osa Termosistem Final 8” po priten me interesim të madh dhe sfidat pritet të jenë shumë interesante, duke marrë parasysh cilësinë e skuadrave.

Pikërisht ndeshja e parë çerekfinale është ndërmjet Pejës dhe Ponte Prizrenit.

Trajneri i Ponte Prizrenit, Arbnor Rifati, ka folur për synimet e skuadrës së tij në garat e Kupës.

“Synimet tona janë që të jemi së paku në gjysmëfinale, e më pastaj do të shohim. Ndeshjet e Kupës janë shumë të rëndësishme për dhe do të japim maksimumin tonë. Shpresojmë të shohim ndeshje të bukura”, është shprehur Rifati për faqen zyrtare të FBK-së.

Takimi Peja-Ponte Prizren zhvillohet të martën nga ora 16:30 në palestrën “Mizahir Isma” në Rahovec.

Kjo është hera e dytë radhazi që Final 8 i Kupës zhvillohet në Rahovec. Edicionin e kaluar organizimi ishte për mrekulli, derisa organizatorët premtojnë se kësaj radhe do të jetë edhe më spektakolar.

Final 8 i Kupës do të organizohet nga 11 deri më 15 shkurt, ku pritet të ketë ndeshje shumë interesante dhe atmosferë të jashtëzakonshme në Rahovec.