17:14 / 12.02.2020
Shqipëria dhe Turqia, potencial të mirë për forcimin e marrëdhënieve
Presidenti Ilir Meta ka patur sot një takim pune me Ministrin e Jashtëm të Turqisë Mevlüt Çavuşoğlu.
Nëpërmjet një postimi në Facebook, Meta shprehet se Shqipëria dhe Turqia kanë ende një potencial të jashtëzakonshëm për të forcuar më tej marrëdhëniet e shkëlqyera dhe se investimet turke janë të mirëpritura në vendin tonë.
‘’Një takim i ngrohtë me Ministrin e Punëve të Jashtme të Turqisë mike, z.Mevlüt Çavuşoğlum, transmeton oranews.
Shqipëria dhe Turqia kanë ende një potencial të jashtëzakonshëm për të forcuar më tej marrëdhëniet e shkëlqyera në të gjitha fushat, veçanërisht ekonomike-tregëtare. Investimet turke janë të mirëpritura!’’ përfundon Meta.























