Aubameyang: Nuk më duhen trofetë që të jem top-sulmues
Pierre Emerick Aubameyang nuk është i interesuar për trofetë.
Mungesa e trofeve me skuadrën e Arsenal nuk ka ulur aspak vetëbesimin e Aubameyang, i cili nuk ndihet në nevojë për trofe.
Sulmuesi nga Gaboni beson se nuk i duhen trofetë për të vërtetuar se është një nga më të mirët në pozitën e tij.
“Unë jam një sulmues, kështu që do të mbroj anën time – unë nuk mendoj se duhen trofe për të qenë top-sulmues” ka thënë Aubameyang për ‘Sky Sports’, transmeton lajmi.net.
“Sigurisht se mund të ndihmojë, por kemi parë shumë lojtarë të mëdhenj që nuk kanë fituar trofe, por ne i respektojmë për kualitetet e tyre” ka shtuar ish anëtari i Dortmund.
“Nuk ke nevojë për trofe, por nëse i ke trofetë është më mirë” tha ndër të tjerash Aubameyang.
Aubameyang është një nga lojtarët në garë për çmimin e golashënuesit më të mirë në Premierligë, por skuadra e tij është larg top katërshes. Ndoshta edhe ky fakt vërteton fjalët e numrit 14 të ‘Gunners’.























