10:04 / 22.03.2020
Konfirmohen tre rastet e para me koronavirus në Korçë
Preket edhe qyteti i Korçës nga koronavirusi, duke e zgjeruar tashmë hartën e përhapjes së virusit që ka prekur vendin tonë.
Nga spitali i Korçës bëjnë me dije se bëhet fjalë për një 30-vjeçar dhe dy të moshuar.
Ndërkohë, akoma nuk dihen emrat e tyre.
Ata janë nisur drejt Tiranës pasi janë mbajtur deri në daljen e analizave në sanatoriumin e Korçës.
Deri ditën e djeshme në Shqipëri janë konfirmuar zyrtarisht edhe gjashtë të prekur të tjerë nga ky virus në Shqipëri, duke e çuar totalin e të prekurve në 76 persona nga 778 persona të testuar gjithsej.























