Thaçi falënderon SHBA-të, thotë se lajmet e rreme janë kërcënim
Presidenti i Kosovës, Hashim Thaçi ka reaguar pas komunikatës së lëshuar nga Departamenti Amerikan i Shtetit ku demantohen zërat se midis Kosovës dhe Serbisë ka marrëveshje sekrete për shkëmbim territoresh.
Ai ka falënderuar Grenellin, Palmerin dhe Konsettin për deklaratën e tyre të përbashkët e të sigurisë.
Më tutje, ai është shprehur se lajmet e rreme dhe spekulimet janë kërcënim i përhershëm për arritjen e marrëveshjes midis Kosovës dhe Serbisë.
Ky është postimi i tij:
Faleminderit Richard Grenell, Matthew Palmer dhe Philip Kosnett për këtë deklaratë të sigurisë. Ne duhet të përdorim momentin dhe mbështetjen e SHBA-ve për të rifilluar dialogun dhe për të arritur marrëveshjen përfundimtare me njohjen reciproke për anëtarësim në Kombet e Bashkuara. Lajmet e rreme dhe spekulimet janë një kërcënim i përhershëm për këtë qëllim.























