Koronavirusi: 11 viktima dhe 223 persona të infektuar, 44 të shëruar
Në Shqipëri është shënuar viktima e 11-të nga koronavirusi, teksa është rritur për 11 numri i rasteve të të infektuarve.
Sipas njoftimit nga Ministria e Shëndetësisë, siç raportojnë mediat shqiptare, në Tiranë sot ka vdekur një 79-vjeçar. Ai ishte i shtrirë në spitalin infektiv qe 18 ditë, ndërsa së fundmi gjendja e tij ishte përmirësuar, por vdiq nga një infarkt kardiak.
Ndërkohë, në 24 orët e fundit janë testuar 90 të dyshuar prej të cilëve 11 janë konfirmuar me Covid-19, duke e çuar totalin në 223.
Deri tash në Shqipëri janë testuar 1526 persona.
Numri i të shëruarve ka arritur në 44.
Shpërndarja gjeografike e rasteve pozitive
- Tiranë 124 raste
- Durrës 14 raste
- Lushnje 4 raste
- Elbasan 5 raste
- Fier 23 raste
- Kavajë 4 raste
- Rrogozhinë2 raste
- Korçë 14 raste
- Vlorë 5 raste
- Shkodër 7 raste
- Lezhë 5 raste
- Berat 1 rast
- Has 2 raste
- Krujë 5 raste
-Tropojë 4 raste
- Pukë 3 raste
- Mirditë 1 rast























