Idris Elba dhe gruaja e tij dalin nga karantina, kjo është gjendja e tyre

Idris Elba dhe gruaja e tij dalin nga karantina, kjo është gjendja e tyre

Idris Elba zbulon se ai dhe gruaja e tij kanë kaluar periudhën e karantinës, pasi u testuan pozitiv me koronavirus.

Idris Elba ka njoftuar si ai dhe bashkëshortja e tij Sabrina, 30 vjeç, kanë kaluar periudhën dy-javore të karantinës pasi u testuan pozitiv për koronavirus, shkruan DailyMail.

Aktori, 47 vjeç, në Twitter të martën në mbrëmje tregoi për gjendjen e tij shëndetësore, ku u tha fansave se ‘po bëhen më mirë’ dhe akoma qëndrojnë asimptomatikë.

Idris, i cili ka qenë në karantinë në Meksikë pasi zbuloi se kishte COVID-19 gjatë xhirimit të filmit të tij të ri për Netflix, tha që ata nuk mund të marrin një fluturim në Britani.

Idris tha: ‘Çkemi njerëz. Unë thjesht doja t’ju dërgoja një azhurnim të vogël se si po veprojmë. Ne të dy po bëhemi mirë, akoma asimptomatikë.

“Ne kemi kaluar periudhën e karantinës, por kemi ngecur. Ne nuk mund të marrim një fluturim për në shtëpi, kështu që ne vetëm duhet të presim për pak, por përveç kësaj ne jemi në rregull dhe jemi shumë falënderues që ndoshta më e keqja nga kjo ka kaluar”, shtoi ai.

“Ne jemi të dy mirë, po përpiqemi të dy të qëndrojmë mendërisht optimistë. Qëndroni të shëndoshë dhe mos u shqetësoni”, janë fjalët e aktorit.

Aktori tha se mendoi që do ta shihte më të keqen, por fatmirësisht është mirë dhe falënderoi të gjithë për mesazhet dhe kujdesin e treguar ndaj tyre.