Apostolova: BE-ja mund të vërë në dispozicion 160 milionë euro për Kosovën
Shefja e Zyrës së BE-së në Kosovë, Natalya Apostolova ka thënë se BE vazhdon edhe më tutje ta mbështesë Kosovën.
Përmes një postimi në Twitter, Apostolva ka thënë se sot ka biseduar me ministren e MEPTINIS-it, Rozeta Hajdari dhe ministrin e Financave, Besnik Bislimi për gjendjen e krijuar pas pandemisë Covid-19.
Ajo ka njoftuar se mund të vihen në dispozicion deri në 160 milionë euro nga BE-ja për Kosovën.
“Kam folur sot me ministren Rozeta Hajdari dhe Besnik Bislimi, dhe Evropa edhe më tutje mbështet Kosovën në luftën kundër COVID-19. Mund të vihen në dispozicion deri në 160 milionë euro nga BE në 2-6 muaj përmes ndihmës makro-financiare, mbështetjes buxhetore dhe granteve IPA 2, mbështetjes së sektorit privat, bujqësisë dhe në lehtësimin e varfërisë”, ka shkruar ajo.
























