Vajza e Paul Walker publikon një video të veçantë me aktorin

Vajza e Paul Walker publikon një video të veçantë me aktorin

Vajza e Paul Walker u ka ofruar fansave një video si asnjëherë më parë të aktorit të ndjerë.

Meadow Walker, 21-vjeçare, ndau një video të shkurtër në Instagram ditën e martë, ku shfaqet duke e frikësuar babanë e saj në ditëlindjen e tij.

Në klip, Paul është parë duke kërcyer kur Meadow bërtet “Hej!”

Walker bie prapa në një shtrat duke qeshur dhe shtrënguar gjoksin ndërsa Meadow i uron babait të saj ditëlindjen.

Kjo e fundit më pas përkulet dhe i jep babait të saj një përqafim ndërsa ai thotë “në asnjë mënyrë”.

Në përshkrimin e videos, Meadow thotë se nuk e kishte menduar të ndante këtë ndonjëherë.

“Asnjëherë nuk kam menduar se do ta ndaj këtë. Por ndihesha ashtu”, ka shkruar ajo. “Je mirë. Unë të dua. Qëndro i sigurt”.

Paul vdiq në moshën 40-vjeçare në një aksident me makinë në vitin 2013. Meadow është fëmija i vetëm i aktorit amerikan.

Ai njihet më shumë për punën e tij në filmin “Fast and Furious”, paraqitja e tij e fundit ishte në këstin e ekskluzivitetit për vitin 2015, “Furious 7”.