Dy arsyet pse Real Madrid nuk nënshkroi me Erling Haaland
BKT
Sport

Dy arsyet pse Real Madrid nuk nënshkroi me Erling Haaland

Haaland është një nga golashënuesit më të mirë në botë.

Aktualisht anëtar i Dortmund, Haaland kapte vëmendje qysh me paraqitjet e tij me skuadrën e Salzburg, por edhe me shpresat e Norvegjisë, kur shënonte nëntë gola në një ndeshje.

Lojtari siguroi një kalim nga Salzburg te Dortmund, por në garë për të ishin edhe skuadra si Manchester United, Juventus e Real Madrid.

‘Marca’ zbulon dy arsyet pse Real Madrid nuk kishin nënshkruar me lojtarin gjatë verës së kaluar – ndoshta gabim i madh.

Arsyeja e parë ka të bëjë me stilin e lojës së Haaland. Ai nuk është një lojtar me shumë finesë, por është një lojtar i fortë, robotik. Kjo bëri që skautët e Real Madrid të ishin në dyshim nëse ai do t’ia dilte në ‘Bernabeu’, transmeton lajmi.net.

Në gjysmën e dytë të sezonit të kaluar, Haaland shënonte një gol në 149 minuta lojë. Besohej se lojtari nuk do të ketë kontinuitet.

Megjithatë, karriera e tij ndryshoi kur shënoi nëntë gola në një ndeshje. Më pas, ai shkëlqeu në Ligën e Kampionëve me Salzburg, si dhe mori flakë në ‘Signal Iduna Park’, në ndeshjet e para me Dortmund.

Real Madrid janë skuadra në ‘pole position’ për ta transferuar lojtarin qysh këtë verë, edhe pse ai kaloi te Dortmund gjatë janarit.