Cakaj bisedë me ministren Edtstadler: Fokusi në bashkëpunimin për pandeminë
Ministri në detyrë për Evropën dhe Punët e Jashtme, Gent Cakaj, zhvilloi ditën e sotme një bisedë online me Ministren federale për Bashkimin Evropian dhe Kushtetutën të Austrisë, Karoline Edtstadler.
Ministri në detyrë për Evropën dhe Punët e Jashtme, Gent Cakaj, zhvilloi ditën e sotme një bisedë online me Ministren federale për Bashkimin Evropian dhe Kushtetutën të Austrisë, Karoline Edtstadler.
Ministri Cakaj bëri me dije se biseda u fokusua tek masat që kanë marrë dy vendet, për të mposhtur pandeminë dhe tek bashkëpunimi i tyre për të përballuar të gjithë pasojat e COVID-19.
Cakaj theksoi se diskutimi me ministren Edtstadler u ndal edhe në përgatitjet që Shqipëria ka ndërmarrë, për të vazhduar punën e mirë në procesin e negociatave për anëtarësim në BE.
Për më tepër, Ministrja Edtstadler gjatë bisedës, shprehu edhe një herë mbështetjen e plotë të Austrisë në rrugëtimin e Shqipërisë drejt Bashkimit Evropian.
“Pavarësisht COVID-19, ne kemi ruajtur vëmendjen tek prioritetet themelore në procesin e integrimit evropian”, – theksoi Cakaj.























