07:52 / 11.05.2020
Nga klinikat dentare te qendrat tregare/ Bizneset që hapen sot
Nga dita e sotme, e hënë 11 maj, do të hapen edhe blloku i tretë i bizneseve duke lejuar që të ushtrojnë aktivitetin e tyre sipas protokolleve strikte të sigurisë, klinikat dentare, parukeri, berber dhe dyqanet në qendrat tregtare.
Në lidhje me grumbullimet mbeten në fuqi rregullat se nuk lejohen qëndrimi me më shumë se 5 veta, aktivitetet kulturore dhe sportive të çdo lloji dhe transporti publik si dhe njësitë ekonomike ende të mbyllura.
Ndërkohë për baret dhe restorantet është parashikuar data 18 maj për rihapjen e tyre, por me rregulla strikte. Bizneset do të ushtrojnë aktivitet vetëm në pjesën e jashtme dhe me orar të kufizuar, deri në 17:30.























